ICT News  

काठमाडौं  । चन्द्रागिरी नगरपालिका को वडा नम्बर २ मा एक दिने साईबर अपराध सम्बन्धी चेतनामुलक प्रशिक्षण कार्यक्रम सम्पन्न भएको छ।   वडा नं २  का वडा अध्यक्ष गोपी सुर्खेतीले साइबर अपराध सम्बन्धी चेतना सबैमा हुनु पर्ने बताउदै सस्थाले यस्तो किसिमको कार्यक्रममा जोड दिनु पर्ने र स्थानीय निकायले पनि यसलाई साथ सहयोग गर्नु पर्ने बताउनु भयो ।

सूचना प्रविधिको बढ्दो प्रयोगले  निम्त्याएको साइबर अपराध र यसबाट आम उपभोक्ता कसरी बच्ने भन्ने बारेको ज्ञान दिने उद्देश्यले संस्थाले प्रशिक्षण दिईएको सस्थाको सल्लाहाकार राजेश्वरी श्रेष्ठले बताउनु भयो ।  कार्यक्रममा थानकोट प्रहरी बृत्तका प्रहरी नायब नीरिक्षक प्रेम अधिकारी वडाका जनप्रतिनिधिहरु, कर्मचारीहरु, र वडामा कार्यरत स्वास्थ्य स्वयंसेविकाहरुको उपस्थिति थियो। 

कार्यक्रम आईसीटी पत्रकार  विकास मन्चको आयोजनामा चन्द्रागिरी नगरपालिका को वडा नम्बर २ को सहयोगमा भएको हो ।