नागरिक पोष्ट News

काठमाडौं । विभिन्न कार्यक्रमसहित बुधवार ललितपुरस्थित पाटन दरबार क्षेत्रमा ४४ औं विश्व पर्यटन दिवस मनाइएको हो । ‘पर्यटन र हरित लगानी’ भन्ने नाराका मुल नाराका साथ ४४ औं विश्व पर्यटन दिवस मनाइएको छ । सो अवसरमा प्रभातफेरीसहित विभिन्न सांस्क्कृतिक कार्यक्रमहरुको आयोजना गरिएको थियो ।

पाटन ढोकादेखि शुरु भएको प्रभातफेरी पाटन दरबार क्षेत्र ललितपुरमा पुगेर समापन भएको थियो । नेपालमा आज पयर्टन दिवसको अवसरमा देशभर नै विभिन्न कार्यक्रमको आयोजना गरेर विश्व पर्यटन दिवस मनाइँदै छ ।

आर्थिक रूपमा पर्यटनको महत्व सर्वाधिक रूपमा बढीरहेको छ । नेपालमा सन् १९६० को दशक अगाडि पर्यटन उद्योग वा व्यवसायबाट हुने आम्दानीलाई त्यति महत्व दिइएको थिएन । त्यसपछि प्रायः सबैजसो देशहरूले यसलाई वैदेशिक मुद्रा आर्जन गर्ने मुख्य माध्यम ठानि क्रमशः देशीय र अन्तर्राष्ट्रिय पर्यटन गतिविधि तिब्र रूपमा अगाडि बढाएको पाइन्छ । यसले आन्तरिक विकास, देशको गार्हस्थ्य उत्पादन, प्रतिव्यक्ति आय, राष्ट्रिय आय बढाउनुका साथै ठूला तथा घरेलु उद्योग र उत्पादनमा वृद्धि गराएको, बेरोजगारी समस्या कम गराएको, शोधनान्तर स्थिति सुध्रिएकोजस्ता प्रत्यक्ष आर्थिक क्रियाकलापहरूमा प्रभाव परेकाले पर्यटन क्षेत्र आर्थिक महत्वको विषय बन्न गएको छ ।