नागरिक पोष्ट News

काठमाडौँ । राष्ट्रिय मानव अधिकार आयोगले राष्ट्रिय सभागृहअगाडि उभिएर धर्नामा रहेका सामाजिक अभियन्ता ईःको स्वास्थ्य अवस्थाप्रति गम्भीर बन्न आग्रह गरेको छ ।

सडक व्यवसायीलाई विकल्पसहित व्यवस्थापन गर्न काठमाडौं महानगरपालिका र मेयर बालेन साहसँग माग गर्दै विगत ८ दिनदेखि सभागृहको गेटबाहिर उभिँदै आएका ईःको स्वास्थ्य अवस्थाप्रति गम्भीर बन्न आयोगले आग्रह गरेको हो ।

आयोगले विज्ञप्ति जारी गर्दै धर्नामा रहेका ईःको स्वास्थ्य अवस्थाप्रति संवेदनशील भई निजको जीवन रक्षाका लागि पहल गर्न सरकार र महानगरपालिकाको ध्यानाकर्षण गराएको हो ।

आयोगका सहसचिव एवम् प्रवक्ता टीकाराम पोखरेलले जारी गरेको विज्ञप्तिमा वास्तविक पीडित र साना सडक व्यवसायीहरुको पहिचान गरी उनीहरुलाई पेशा र रोजगारीको वैकल्पिक व्यवस्था गर्नसमेत आग्रह गरिएको छ ।

आयोगले ईःलाई आफ्नो स्वास्थ्य र जीवन नै जोखिममा पारी कठिन प्रदर्शन नगर्न र प्रर्दशनका अन्य विकल्प खोज्न पनि आग्रह गरेको छ ।