नागरिक पोष्ट News

काठमाडौं । परराष्ट्र मन्त्रालय युद्धग्रस्त मुलुकहरूमा सुरक्षा सम्बन्धी काममा नजान आग्रह गरेको छ । विदेशी सेनामा नेपाली सम्बन्धमा प्रेस विज्ञप्ति जारी गर्दै मन्त्रालयले यस्तो आग्रह गरेको हो । 

‘कसैको झुक्यानमा परी वा गलत सूचनाका आधारमा युद्धग्रस्त मुलुकहरूमा सुरक्षा सम्बन्धी काममा नजानुहुन सबैमा अनुरोध गरिन्छ । यस्ता कार्यमा संलग्न हुँदा आइपर्ने जोखिम र उद्धारमा हुने कठिनाइ प्रति सजग रहन समेत सबैमा सूचित गरिन्छ’ परराष्ट्र मन्त्रालयले जारी गरेको विज्ञप्तिमा उल्लेख छ । 

केही सामाजिक सञ्जाल र सार्वजनिक सञ्चार माध्यममा नेपाली नागरिकहरू विदेशी सेनामा भर्ना भएका भन्ने समाचार बाहिर आएका छन् । यस सम्बन्धमा मन्त्रालयको ध्यानाकर्षण भएको जनाएको छ ।