नागरिक पोष्ट News

नेपालमा भ्रष्टाचार र अपराध निर्मूल गर्न नोट खारेज नगरे अमेरिकाबाटै भोक हड्ताल गर्ने सामाजिक अभियन्ता एक बहादुर क्षत्रीले चेतावनी दिएका छन । २१ बर्ष अगाडी अमेरिका आएका  क्षत्री अमेरिकी सिपीए (प्रमाणित जन लेखापाल ) हुन् भने हाल उनि विस्कनसिन राज्यको म्याडिसन शहरमा बस्दै आएका छन । उनले नोट खारेज सम्बन्धि थुप्रै लेखहरु प्रकाशित गरेका छन् । उनले नोटलाई खारेज गरेमा मात्र देश भ्रष्टचारबाट मुक्त हुन् सक्छ र भ्रष्टचारलाई उन्मुलन गर्न . ५०० र रु. १,००० का नोटलाई खारेज गर्नु पर्छ भनि वकालत निरन्तर गर्दै आएका छन् । उनि अमेरिकाबाट नेपाल आउने जाने र यस सम्बन्धि सम्बन्धित थुप्रै सरकारका उच्च व्यक्तित्व तथा निकायमा चक्कर काटी सकेका छन्  । तर उनको कुरा कसैले सुने पनि नसुने गरेकोमा उनि दुखि छन । र ,आफ्नो  अपराध सुधारको लागी नोट खारेज अभियानलाई अझ सशक्त रुपमा नेपाल सरकारलाई स्पष्ट कुरा राख्न चाहन्छन ।

भ्रष्टाचार,अपराध र कर अतिक्रमणको उल्लेखनीय उन्मूलन, सुरक्षा र प्रशासनिक खर्चमा कमी ल्याउन र वर्तमान करको दरलाई २० देखि ३० प्रतिशतसम्ममा घटाउनका लागि नोटको चलन हटाउने पर्ने र  नोटको चलन हटाउन निकै सजिलो तथा कुनै कष्टदायी समेत नभएको कुरामा आफू वकालत गर्दै आएको बिज्ञप्तिमा उल्लेख गरेका छन् । बिगत ६ बर्ष अर्थात् २०७४ साल देखि क्षत्रीले प्रधानमन्त्री, अर्थमन्त्री, भ्रस्ट्राचार निवारण आयोग, निर्वाचन आयोग, संघिय संसद समितिहरु, संघीय मन्त्रालयहरु, प्रदेश सरकार र धेरै स्थानीय सरकारलाई  बिधुतिय डाक (इमेल),पत्र,फोन (दूरभाष)र भेटघाट लेख प्रकाशित गरि वकालत गर्दै आएको समेत बिज्ञप्तिमा जनाएका छन । उनले यस बिषयमा देश बिदेशमा बस्ने सबै संचार माध्यम ,नेपाली समुदायको साथ र सहयोग रहने अपेक्षा रहेको जनाएका छन् ।

उनको प्रेस (छापा)विज्ञप्तिको पूर्ण पाठ जस्ताको त्यस्तै :

बिषय: भ्रस्ट्राचार र अपराध  निर्मूल गर्न नोट खारेजको लागि

 भोक हड्ताल भ्रष्टाचार,अपराध र कर अतिक्रमणको उलेख्खनिय  उन्मूलन, सुरक्षा र प्रशासनिक खर्चमा कमी ल्याउन र वर्तमान करको दरलाई २० देखि ३० प्रतिशतसम्ममा घटाउनका लागि नोटको चल्न  हटाउने पर्ने र  नोटको चल्न  हटाउन निकै सजिलो  तथा कुनै कस्टदायी समेत नभएको  कुरामा   वकालत गर्दै आएको छु।   सरकारको नेटवर्कमा नपरेको गैरपारदर्शी अपारदर्शी नोट  मार्फत लाखौं लाख अपराध भइरहेका छन् र प्रमाण नहुँदा हजारौं  सरकारको नेटवर्कमा परेर पनि उन्मुक्ति पाएका छन नोटले  अपराधलाई बढावा दिने र साशन प्रणालीलाई कमजोर,खर्चिलो र झान्झीटिलो पारिरखेको छ ।

२०७४ साल देखि मैले प्रधानमन्त्री, अर्थमन्त्री, भ्रस्ट्राचार निवारण आयोग, निर्वाचन आयोग, संघिय संसद समितिहरु, संघीय मन्त्रालयहरु, प्रदेश सरकार र धेरै स्थानीय सरकारलाई   इमेल,पत्र,फोन र भेटघाट लेख प्रकाशित गरि वकालत गर्दै आएको छु। यी मध्ये कुनै पनि सरकारले यस्तो सजिलो ठूलो आवाज सुनेनन्  र जनताको हितको लागि सजिलो बाटो सोचेनन्। बरु सबै भ्रष्टाचार गर्ने भ्रष्टाचार र अपराध गर्ने बाटो खुला राखनेमा तल्लिन भए र भएका छन् ।   तिनै तहका  सरकारले कठिनाइ बिना आफ्नो अधिकार क्षेत्रमा सबै खुद्रा पसलमा एक महिना भित्र डेबिट कार्डबाट खरिद मिल्ने POS  जडान गर्न लगाई अर्को २ महिना पछि सहज तरिकाले रु. ५०० र रु. १,००० का नोट सार्बजनीक कारोबार रोकेर साना दरका नोटहरू सिमित उपयोग गरेर सजिलै  समस्या समाधान गर्न सकिने परिस्थिति रहेको छ  सो सरकारलाई जानकारी छ।  

एक महिना  आफ्नो अधिकार क्षेत्रमा सबै खुद्रा पसलमा एक महिना भित्र डेबिट कार्ड बाट खरिद मिल्ने POS  जडान गर्न सबै खुद्रा पसलेहरुलाई   लगाउने  अर्को २ महिना पछि सहज तरिकाले रु.१०० भन्दा ठुला नोट सार्बजनीक कारोबार रोकेर साना दरका नोटहरू सिमित उपयोग गर्ने निर्णय प्रधानमन्त्री, उधोग बाणिज्य मन्त्री,  बागमती प्रदेश  मुख्यमन्त्री तथा काठमाडौँ महानगरपालिका मेयरले गर्नको लागी पुन: निबेदन गर्दछु  र सो नगरेमा एक ६८ बर्षे  नेपाली नागरिकले देश र समाजको रक्षा, अपराध र भ्रस्टाचार हटाउन , अनि खरब खरब  राजस्व बचत गराउन  र एक तिहाई कर दर घटाउन   बिदेशी मुलकमा भोक  हड्ताल शुरु गर्ने सचेत गराउन यो इमेल /पत्र लेखेको छु।  

एकबहादुर क्षत्री अभियन्ता अपराध सुधारको लागी नोट खारेज

Email: notkhareztathaiposheraandolan@gmail.com

सम्माननीय प्रधानमन्त्री पुष्प कमल दाहाल 'प्रचण्ड',

नेपाल सरकार माननीय उधोग बाणिज्य मन्त्री,

नेपाल सरकार माननीय मुख्यमन्त्री जम्कट्टेल, बागमती प्रदेश सरकार  

नगर प्रमुख बालेन्द्र शाह, काठमाडौँ महानगरपालिका

महामहिम श्रीधर खत्री नेपाल Embassy of Nepal Washington D. C. USA