नागरिक पोष्ट News

काठमाडौं । नेपालमा बढ्दो साइबर सुरक्षाको जोखिमलाई मध्येनजर गर्दै कास्परस्काइ साइबर सुरक्षा समाधानमा नेक्स्ट जेनेरेसन साइबरसेक्युरिटी सोलुसन: अनम्याच्ड प्रोटेक्सन विथ कास्परस्काइ ल्याएको छ। विगत २८ वर्षदेखि विभिन्न साइबर सुरक्षा समाधानहरु प्रदान गर्दै आएको सागर ग्रुपले क्यास्परस्की ल्याबका नयाँ उत्पादन भित्र्याएको छ । 

बिहीबार काठमाडौंको लैनचौरस्थित द मल्ल होटलमा एक कार्यक्रम गर्दै क्यासपरस्कीको नेपालस्थित आधिकारिक वितरक सागर ग्रुपले क्यासपरस्की स्ट्यान्डर्ड, क्यासपरस्की प्लस र क्यासपरस्की प्रिमियम सेक्युरिटी गरी तीनवटा उत्पादनहरू भित्र्याएको हो । उक्त संस्थाले  प्रयोगकर्ताहरूलाई बेजोड सुरक्षा प्रदान गर्ने र उनीहरूको डिजिटल सम्पत्तिहरूको सुरक्षा गर्ने जनाएको छ।

कास्परस्काइका  प्रवक्ता पुरुषोत्तम भाटियाले नेक्स-जेन साइबर सेक्युरिटीले ग्राहकहरूलाई उच्च स्तरको साइबरसम्बन्धी समस्यालाई  समाधानहरू उपलब्ध गराउन महत्त्वपूर्ण सहयोग पुग्ने बताए। 'यसको उन्नत सुविधाहरू र बलियो सुरक्षाको साथ कास्परस्काइले डिजिटल सेक्युरिटी को लागि नयाँ मानक सेट गर्दछ’, उनले भने।

नेपाल आधिकारिक वितरक सागर समूहका प्रमुख प्रकाश भण्डारीले  हालका नेपालमा साइबर सुरक्षा परिदृश्य हेर्दा गोपनीयता र डेटा सुरक्षालाई असर देखिन सक्ने बताए। आजको दिनमा पनि प्राविधिक व्यक्तिहरूले पनि उन्नत एन्टिभाइरस वा सुरक्षा समाधानहरूको महत्त्वलाई जोड नदिएको बताउँदै उनले आजको संसारमा बढ्दो साइबर थ्रेटहरूमा आफूहरू गम्भीर हुनुपर्ने बताए।

उनले कास्परस्काइ स्टाण्डर्ड १ डिभाइस एक वर्षका लागि ९ सय ९९ रुपैयाँ, ३ डिभाइस एक हजार ९ सय ९९, कास्परस्काइ  प्लस १ डिभाइस एक वर्षका लागि १ हजार ९ सय ९९,  कास्परस्काइ  प्लस ३ डिभाइस एक वर्षका लागि तीन हजार ४ सय ९९, कास्परस्काइ प्रिमियम १ डिभाइस १ वर्ष ३ हजार ४ सय ९९ र कास्परस्काइ प्रिमियम ३ डिभाइस १ वर्षका लागि ५ हजार ४ सय ९९ शुल्क लाग्ने बताए।