नागरिक पोष्ट News

काठमाडौं। इनरव्हील डिस्ट्रिक ३५० द्वारा आयोजित बृहत् स्वास्थ्य शिविर आयोजना गरिएको थियो। मिति २०८० साल वैशाख १० गते आइतबार कन्या मन्दिर , क्षेत्रपाटिमा शिविर गरिएको थियो । जसमा राजधानिका धेरै अस्पतालको बरिष्ठ विशेषज्ञ चिकित्सकहरुले बिरामीहरुको उपचार तथा परामर्श दिनुभयो । यसमा दिएको सेवाहरुमा जेनेरल चेकजाँच , नाक कान , घाटि  चेकअप , आँखा जाँच , मधुमेह , सुगर जाँच , प्रेसर , महिलाको पाठेघरको मुखको क्यान्सरको चेकअप , स्तन क्यान्सर सम्बन्धि चेकअप ,  सम्पूर्ण रोगहरुमा पोषण सम्बन्धि परामर्श , हाड जोर्नी सम्बन्धि चेकअप , बालबालिकाको चेकअप , दन्त चेकअप , योग तथा ध्यान शिविर , नि:शुल्क औषधी वितरण आदिको सेवाहरु उपलब्ध गराउनु भएको थियो। 

यस क्लबका अध्यक्ष सीमा झाज्युले आफ्नो अथक मिहिनेत र आफ्नो अन्य क्लबका सदस्यहरुलाइ सहभागीता गराउनु भएर सफल पार्नु भयो। यो अहिले सम्म कै ठूलो  शिविर रहेको थियो। यसमा सानो सानो बाल बालिका देखी लिएर  वयस्क महिला पुरुष , ज्येष्ठ नागरिक , छर छिमेकका तथा सबै उमेरका मानिसहरू सहभागी जनाउनु भएको थियो । यो नेपालको पहिलो कन्या ( किशोरी) स्कुल हो।  यस शिविरमा सहभागी भएँको अस्पतालहरुमा किर्तिपुर अस्पताल ,  ग्रान्डि अस्पताल , वीर अस्पताल , भक्तपुर क्यान्सर अस्पताल , काठमान्डु क्यान्सर अस्पताल , कान्तिपुर डेन्टल कलेज तथा अस्पताल , दर्जनौं चिकित्सक , पोषण विज्ञ , फार्मशिस्ट , अन्य सहयोगी सदस्यहरुले आफ्नो सहभागीता जनाएर यो कार्यकर्म सफल पार्नु भएको थियो । 

यस स्वास्थ्य शिविरको उदघाटन  अन्र्तराष्ट्रिय इनरव्हील प्रेसिडेन्ट (अध्यक्ष )  २०२२-२०२३ जेनाइडा वाइ फार्कोन , तथा एसोसिएसन प्रेसिडेन्ट इन्डियाको डा. सुरजिर कौर तथा  इनरव्हील डिस्टिरक ३५० नेपालको  २०२२-२०२३को अध्यक्ष सीमा झाले गर्नु भएको थियो । यसमा करिब ३ हजार मानिसहरुले सेवा लाभ लिनु भयो । 

इनरव्हील क्लबको  बारेमा भन्नु पर्दा यो अन्र्तराष्ट्रिय महिलाहरूको एक मात्र क्लब हो। बिश्वभरी करिब  १०४ वटा देशहरुमा यो क्लब रहेको छ । नेपालको बिभिन्न ठाउमा समेत यो क्लबले आफ्नो समाजसेवा गर्दै आउदैछन । महिला तथा किशोरीहरुको स्वास्थ्य तथा शिक्षामा उल्लेखनीय कार्य गर्नुको साथै राष्ट्रलाइ बहुमूल्य योगदान दिनु भएँको छ। यस क्लबको मूख्य उद्देश्य भनेको समाजसेवा नै रहेको छ , त्यो सेवाको लागी आम्दानी वा खर्च त्यो आफ्नै क्लब सदस्यहरुले नै दिनु हुन्छ । यो क्लब निस्वार्थ भावनाले समाजमा आफ्नो अमूल्य योगदान दिनु भएँको छ । 

अझै पनि इनरव्हील क्लबको जति प्रचार प्रसार हुनु पर्ने हो, त्यो भएको छैन । महिला सशक्तीकरणको एउटा राम्रो र उदाहरणीय कार्य गर्ने क्लबहरुमा मूख्य क्लब हो इनरव्हील क्लब । यो स्वास्थ्य सेवा मात्र नभई प्रतिक्षालय पनि बल्खु स्थित कुमारी क्लबको सहकार्यमा बनाउनु भएँको छ । साथै धेरै  समाजिक उल्लेखनीय  कार्यहरु  यस क्लबले गर्नु भएको छ । नि:शुल्क स्वास्थ्य शिविरको अन्य क्लबहरुमा इनरव्हील अफ किर्तिपुर , बालाजु क्लब र अन्य क्लबहरु पनि सहभागी थियो।