नागरिक पोष्ट News

काठमाडौं,  अष्ट्रेलियाली सहायक परराष्ट्र मन्त्री महामहिम टिम वाट्स ले मिति २०८० जेष्ठ २ गते तिलगंगा आँखा प्रतिष्ठानको भ्रमण गर्नुभएको छ । महामहिमले प्रतिष्ठानका सम्पूर्ण आँखा सेवा प्रदान गर्ने ईकाइ हरु, विभागहरु साथै फ्र्ेड हलोज फाउण्डेसन नेपाल अफिसको अवलोकन गर्नुका साथै डा. सन्दुक रुइत र कार्यकारी टोलीसँग समेत  भेट गरी छलफल गर्नु भएको छ ।

उक्त अवसरमा आगन्तुक पुस्तिका मा टिप्पणि गर्दै वहाँले “म तपाईहरुको उच्च  व्यावसायिकता र उत्पादकत्वबाट धेरै प्रभावित छु, मानव जीवनमा सार्थक परिवर्तन ल्याई रहुनु भएको छ, राम्रो कार्य” भन्ने उल्लेख गर्नु भएको छ। बिगत तीस बर्ष देखि फ्रेड हलोज फाउण्डेशन अष्ट्रेलिया र तिलगंगा आँखा प्रतिष्ठान बिच आँखा स्वास्थ्य सेवा प्रदान गर्न बिभिन्न सहकार्य भइहेको छ । फ्रेड हलोज फाउण्डेशन को सहायताबाट आँखा को मोतियाबिन्दुको शल्यकृया पश्चात राखिने ईन्ट्रा अकुलर लेन्स उत्पादन गरि उक्त लेन्स नेपाल र अन्तराष्ट्रिय स्तरमा बितरण हुने कार्य सम्भव भएको छ। साथै उक्त अवसरमा अष्ट्रेलियाका मन्त्री र प्रतिष्ठानका कार्यकारी बीच नेपाल र यस क्षेत्रमा आँखा स्वास्थ्य सेवाको विस्तारमा सहकार्य गर्ने विषयमा छलफल भएको थियो ।