नागरिक पोष्ट News

काठमाडौँ – काठमाडौं महानगरपालिका प्रमुख बालेन शाहले आइडिया बैंकमा आवेदन दिनका लागि आव्हान गरेका छन्।

‘तपाइसँग आइडिया छ, तपाईँ महानगर भित्र कुनै स्टार्टअप सुरु गर्नुभएको छ र ३ वर्ष कटेको छैन, साथै तपाइ विद्यार्थी हुनुहुन्छ,’ भने आइडिया बैंकमा आउन उनले अपिल गरेका हुन्।

‘कसरी त्यसको बिजनेस प्लान बनाउने र कार्यान्वयन गर्ने , कसरी लगानी जुटाउने त्यसमा यस कार्यक्रमले पूर्ण सहयोग गर्छ,’ उनको अपिलमा भनिएको छ, ‘ विभिन्न विषयगत क्षेत्रहरूलाई समेटी ५ वटा क्याटेगोरीमा आवेदन माग गरिएको छ, तपाईँलाई उद्यमी बन्न कसैले रोक्न सक्दैन महानगर तपाइको साथमा छ।’ यही जेठ १९ गतेभित्र निवेदन दिइसक्ने पर्नेछ।

काठमाडौँ महानगरपालिकाको वर्ष २०७९/८० को नीति तथा कार्यक्रममा समावेश भएको आइडिया बैङ्क कार्यक्रममा सहभागी हुनका लागि मेयर शाहले महानगरवासीलाई आव्हान गरेका हुन।