नागरिक पोष्ट News

नयाँदिल्ली  । भारतका लागि अमेरिका, कतार र मोनाकोका राजदूतले बिहीबार राष्ट्रपति भवनमा राष्ट्रपति द्रौपदी मुर्मुलाई आफ्ना ओहोदाका प्रमाणपत्र पेश गरेका छन् ।

‘भारतकी राष्ट्रपति श्रीमती द्रौपदी मुर्मुले आज राष्ट्रपति भवनमा आयोजित एक समारोहमा संयुक्त राज्य अमेरिका, कतार र मोनाकोका राजदूतबाट ओहोदाको प्रमाणपत्र स्वीकार गर्नुभयो’, राष्ट्रपति भवनले जारी गरेको विज्ञप्तिमा भनिएको छ ।

भारतका लागि अमेरिकी राजदूत एरिक गार्सेट्टी, कतारका राजदूत मोहम्मद हसन जाबिर अल जाबिर र मोनाकोका राजदूत डिडियर गेमरडिङ्गरले राष्ट्रपतिसमक्ष आफ्नो ओहोदाको प्रमाणपत्र पेश गरेका छन् ।

लस एन्जलसका पूर्वमेयर गार्सेट्टीलाई यस वर्षको मार्चमा अमेरिकी उपराष्ट्रपति कमला ह्यारिसले भारतका लागि नयाँ अमेरिकी राजदूतको रूपमा प्रस्तुत गर्नु भएको थियो ।