नागरिक पोष्ट News

काठमाडौँ   । अवैध लागूऔषध सहित दुई जना पक्राउ परेका छन् ।

पक्राउ पर्नेमा अवैध लागूऔषध खैरो हेरोइन जस्तो देखिने पदार्थ २ ग्राम ४७ मिलिग्रामसहित सुनसरी धरान उपमहानगरपालिका १३ घर भएका ३५ वर्षीय सागर चाम्लिङ राई रहेका छन् ।

उनलाई प्रहरी प्रभाग नागढुङगाबाट खटिएको प्रहरीले बिहीबार इलामबाट काठमाडौँतर्फ आउँदै गरेको प्र।१(०१(००१ ख। ३७२३ नम्बरको बसलाई जाँच गर्ने क्रममा बसमा सवार उनलाई उक्त पदार्थसहित फेला पारी पक्राउ गरेको हो ।

त्यसैगरी अवैध लागूऔषध गाँजा करिब ८ किलोग्रामसहित रौतामाई गाउँपालिका ८ डिल्लिबर बस्ने ५० वर्षीय डिक बहादुर लुङ्गेली मगर पक्राउ परेका छन् ।

जिल्ला प्रहरी कार्यालय उदयपुरबाट खटिएको प्रहरीले उनलाई उक्त गाँजासहित फेला पारी पक्राउ गरेको हो ।

यस सम्बन्धमा थप अनुसन्धान गरिरहेको प्रहरीले जनाएको छ ।