नागरिक पोष्ट News

काठमाडौं । स्वतन्त्र पत्रकार संघ नेपाल काठमाण्डौ शाखाको पाँचौ जिल्ला अधिवेशन तथा छैठौ साधारण सभा साथै उपत्यका भेला सम्पन्न भएको छ । काठमाण्डौ जिल्ला अध्यक्ष पुष्कर राज पाण्डेको सभापतित्वमा भएको कार्यक्रममा स्वतन्त्र पत्रकार संघ नेपालका राष्ट्रिय अध्यक्ष कृष्ण प्रसाद बास्तोलाको प्रमुख आतिथ्यता थियो । संघका राष्ट्रिय पदाधिकारी वरिष्ठ उपाध्यक्ष के। बि। सम्राट, उपमहासचिव रत्न प्रजापति, कोषाध्यक्ष बद्रि दुलाल राष्ट्रिय सल्लाहकार डा। इन्दुल केसी, आध्यात्मिक धार्मिक व्यक्तित्व तथा काठमाण्डौ जिल्ला सल्लाहकार माता भद्रकाली, वरिष्ठ सन्चार कर्मि श्रीराम पुडासैनिसमेत विशेष अतिथिको आतिथ्यता थियो ।

यस्तै अतिथिहरुमा राष्ट्रिय पार्सद कृष्ण किसी, प्रताप राना मगर, ललितपुर जिल्ला अध्यक्ष उपेश नौवाग, भक्तपुर जिल्ला अध्यक्ष सुरेश प्रसाद सैजु, अछाम जिल्ला अध्यक्ष बिष्णु बहादुर खड्का, काभ्रेपलान्चोक जिल्ला संयोजक चन्द्र बहादुर लामाको उपस्थिति थियो । यस्तै समाजसेवि शुसिल राणा लगायत बिभिन्न सघ सस्थाबाट आउनु भएका प्रतिनिधिको उपस्थितिमा सम्पन्न भएको छ। साधारण सभा तथा जिल्ला अधिवेशन प्रमुख अतिथि बास्तोलाले मैन बत्तिको दिप प्रज्वलन गरि समुद्घाटन गरिएको थियो ।

अधिवेशनले पुस्कर राज पाण्डेको नेतृत्वमा ७ सदस्यीय नया जिल्ला कार्य समिति निर्वाचन प्रक्रियाबाट निर्वाचित पदाधिकारीहरुको घोषणा प्रमुख निर्वाचन अधिकृत एवं वरिष्ठ उपाध्यक्ष के। बि। सम्राटले प्रस्तुत गर्नुभएको थियो । २ वर्षे कार्यकाल रहेको निर्वाचित पदाधिकारीहरुमा अध्यक्ष पुस्कर राज पाण्डे, उपाध्यक्ष सावित्री बस्नेत, कोषाध्यक्ष रिता श्रेष्ठ प्रधान, सचिव कृष्णराज तिमिल्सिना, सहसचिव अनिल पाण्डे निर्वाचित भएका छन् । यस्तै सदस्यहरुमा प्रदिप श्रेष्ठ र रुश्मा राई निर्वाचित भएका छन् । यसरि नै राष्ट्रिय पार्सदमा चन्द्र बहादुर खत्री, प्रताप राना मगर र बसन्त राज घिमिरे निर्वाचित भएका छन् ।

उपस्थित अतिथि, विशेष अतिथिहरुले आआफ्नो शुभकामना ब्यक्त गरेका थिए । प्रमुख अतिथिको आसनबाट राष्ट्रिय अध्यक्ष कृष्ण प्रसाद बास्तोलाले स्वतन्त्र पत्रकारले देश र जनताका लागि निभाउनु पर्ने भूमिकामाथि प्रकाश पार्दै निर्वाचित पदाधिकारीहरुलाई सिन्दुर अबिरले बधाई तथा शुभकामना दिनुभएको थियो । विशेष अतिथि माता भद्रकालीले निर्वाचित पदाधिकारीहरुलाई पशुपति अन्नपुर्णा आश्रमको लोगो अंकित ब्याच ग्रहण गराउनु भएको थियो । कार्यक्रम सञ्चालन सावित्री बस्नेत सबुले गर्नु भएको थियो ।