नागरिक पोष्ट News

काठमाडाैं । नेपाली बजारमा आइतबार सुनकाे मूल्यले नयाँ रेकर्ड कायम गरेकाे छ । आज एकैदिन सुनकाे मूल्य २ हजार ९०० रुपैयाँले बढेको नेपाल सुनचाँदी व्यवसायी महासंघले जनाएकाे छ ।

महासंघका अनुसार याे सँगै आजका लागिछापावाल सुनकाे मूल्य १ लाख १० हजार रुपैयाँ कायम भएकाे छ भने तेजावी सुनकाे मूल्य १ लाख ९ हजार ५०० रुपैयाँ कायम भएको छ।

गत शुक्रबार पनि सुनको भाउ तोलामा ४०० रुपैयाँले बढेको थियो। गत शुक्रबार छापावाल सुन प्रतिताेला १ लाख ७ हजार १०० रुपैयाँ र तेजाबी सुन १ लाख ६ हजार ६०० रुपैयाँमा कारोबार भएको थियो।

आज चाँदीको भाउ पनि तोलामा ३५ रुपैयाँले बढेर १ हजार ३४५ रुपैयाँ कायम भएको छ। गत शुक्रबार तोलामा ५ रुपैयाँले बढेर चाँदी १ हजार ३१० रुपैयाँमा कारोबार भएको थियो।