नागरिक पोष्ट News

काठमाण्डौँ - तारकेश्वर वडा नं. ९ को शहरि स्वास्थ्य केन्द्र मनमैजुमा आज निःशुल्क भिआइए परिक्षण र स्वास्थ्य जाँच सेवा लिन सकिनेछ । वडाअध्यक्ष श्यामकृष्ण महर्जनले एक विज्ञप्ति निकाल्दै बर्थिङ सेन्टरको उद्घाटन हुने बताएका हुन् । आज बिहान १० बजेदेखि ३ बजेसम्म मनमैजु माध्यमिक विद्यालयमा रक्तदान कार्यक्रम, स्वास्थ्य शिविर र महिलाहरुका लागि निःशुल्क भिआइए परिक्षण गरिने कार्यक्रम रहेको वडाअध्यक्ष श्यामकृष्ण महर्जनले बताउनु भएको छ ।

साथै बर्थीङ सेन्टरका लागि आवश्यक पर्ने डेलीभरी बेड, सक्सन मेसिन, अक्सीजन मेसिन, बच्चालाई तातो बनाउने मेसिन लगायतका उपकरणहरु समेत जडान भइसकेको तारकेश्वर नगरपालिकाका नगर स्वास्थ्य प्रमुख बिनोद कुमार शाहले बताउनुभयो । शाहकाअनुसार प्रसुती गराउनका लागि निजी र सरकारी अस्पतालमा हुने जस्तै सबै सामानहरु बर्थीङ सेन्टरमा रहेको बताँउदै ढुक्क भएर प्रसुति सेवा लिनका लागि आग्रह गर्नुभयो ।

यस अघि तारकेश्वर १ स्थित साङ्ला प्राथमिक स्वासथ्य केन्द्रमा एकमात्र बर्थिङ सेन्टर रहेको थियो । बर्थीङ सेन्टरमा प्रसुती गराएबापत निःशुल्क औषधी वितरण, न्यानो झोला र यातायातका लागि रु १ हजार भाडा पाउने छन् । न्यानो झोलामा बच्चा र आमाको लागि एक एक सेट कपडा समेत बर्थीङ सेन्टरले निःशुल्क उपलव्ध गराउने छ । साथै नेपाल सरकारको मापदण्ड अनुसार सरकारी स्वास्थ्य संस्थाहरुमा गर्भ रहेको तेश्रो, पाँचौ, आठौं र नवौं महिना चेक गराएका महिलाले थप ८ सय भत्ता समेत पाउने छन् ।

भोली उद्घाटन हुने स्वास्थ्य संस्थामा तारकेश्वर नगर प्रमुख कृष्णहरि महर्जन, उपप्रमुख सृजना बुर्लाकोटी, प्रमुख प्रशासकिय अधिकृत डा। कृष्णबहादुर घिमिरे र तारकेश्वर नगर स्वास्थ्य शाखा प्रमख बिनोद कुमार शाह, साङला प्राथमिक स्वास्थ्य केन्द्रका डाक्टर नकुल पौडेल, तारकेश्वर नगर स्वास्थ्य शाखाका अधिकृत गणेंश कुंवर, शहरी स्वास्थ्य केन्द्र तारकेश्वर ९ का इन्चार्ज जनार्दन अधिकारीले बर्थिङ सेन्टरको अवलोकन गरेका थिए ।