नागरिक पोष्ट News

काठमाडौं । अष्ट्रेलियाको क्यानबेरमा नेपालको पर्यटन प्रबद्र्धनमा गैरआवासीय नेपालीको भूमिका विषय अन्तरक्रिया कार्यक्रम सम्पन्न भएको छ ।  राष्ट्रिय नागरिक समाज नेपालको आयोजनामा अष्ट्रेलियाको लागि नेपाली महामहिम राजदुत कैलाश राज पोखरेको प्रमुख अतिथि र राजदुतावासका सचिव यादव कोइरालाको बिशेष आतिथ्यमा अन्तरक्रिया कार्यक्रम गरिएको हो । सन् २०२३ को अबसरमा भएको नेपालको प्रर्यटन प्रबर्द्धनमा गैरआवासीय नेपालीको भूमिका विषयक अन्तरक्रिया एंव शुभकामना आदान प्रदान कार्यक्रममा एनआरएन अष्ट्रेलियाका प्रतिनिधिहरू, विभिन्न संस्थाका प्रतिनिधिहरूको उपस्थिति भएको थियो । कार्यक्रममा सहभागी व्यक्तित्वहरुलाई संस्थाको तर्फबाट मायाको चिनोद्वारा सम्मान गरिएको थियो । अन्तरक्रिया कार्यक्रमको संयोजन एनआरएन प्रतिनिधि  अभिषेक उप्रेतीले  गर्नु भएको थियो  ।