नागरिक पोष्ट News

काठमाडौं -  मंगलबार पनि नेपाली बजारमा सुनको मूल्य बढेको छ । आज एकैदिन सुनको मूल्य तोलामा ९०० रूपैयाले बढेको हो ।

मंगलबार छापावाल सुनको मूल्य तोलाको १ लाख २ हजार ६०० रुपैयाँ निर्धारण भएको नेपाल सुनचाँदी व्यवसायी महासंघले जनाएको छ। सुनको मूल्य यो वर्षकै उच्च बिन्दुमा पुगेको ।  सोमबार छापावाल सुन प्रतितोला १ लाख १७०० रूपैयाँमा कारोबार भएको थियो ।

यस्तै आज तेजावी सुनको मूल्य तोलाको १ लाख २ हजार १०० रूपैयाँ निर्धारण भएको छ । सोमबार तेजावी सुन प्रतितोला १ लाख १ हजार २०० रूपैयाँमा कारोबार भएको थियो ।

यस्तै  आज चाँदीको मूल्य पनि सामान्य बढेको छ। चाँदी मंगलबार तोलामा १० रुपैयाँले बढेर प्रतितोला १४ सय १० रुपैयाँ भएको छ। सोमबार प्रतितोला १४ सय रुपैयाँमा कारोबार भएको थियो।

अन्तर्राष्ट्रिय बजारमा सुनको मूल्य बलियो भएको छ। मंगलबार सुन प्रतिऔंस १८४०।२५ डलर र चाँदी प्रतिऔंस २४।३८ डलरमा कारोबार भइरहेको छ।