नागरिक पोष्ट News

दोहा – नेपाल(कुवेत कूटनीतिक सम्बन्ध स्थापनाको ५०औँ वार्षिकोत्सवको अवसरमा नेपाली दूतावास कुवेत र कुवेतमा रहेका नेपालीहरूको संयुक्त आयोजनामा कुवेत सिटीमा एक कार्यक्रम सम्पन्न गरेको छ।

कार्यक्रमको प्रमुख अतिथि कुवेत सरकार, परराष्ट्र मन्त्रालयका आर्थिक मामिलाका लागि सहायक विदेश मन्त्री सामी अब्दुलअजीज अल(हमद, कुवेतका लागि नेपाली राजदूत  दुर्गाप्रसाद भण्डारी तथा कुवेतस्थित कूटनीतिज्ञ जुबैदुल्लो जुबेदोभले संयुक्त रूपमा पानसमा बत्ती बाली कार्यक्रमको उद्घाटन गरेका थिए।

कार्यक्रमलाई सम्बोधन गर्दै राजदूत भण्डारीले नेपाल र कुवेतबीच रही आएको दुई पक्षीय सम्बन्ध, यसमा भएको विकास एवं विस्तार, स्वर्ण जयन्ती वर्षमा दूतावासले गरेका कार्य, दुई देशबीच भएको उच्चस्तरीय संवाद, दुई पक्षीय सम्बन्धका विस्तारका क्षेत्रमा भएका प्रगतिहरू, यस प्रक्रियामा प्राप्त भएको सहयोग आदिबारे चर्चा गरेका थिए।

कार्यक्रममा स्थानीय नेपाली कलाकारहरूको सांगितिक प्रस्तुति एवं ‘विविधतामा एकता, नेपालको विशेषता’ मूल शीर्षक अन्तर्गत नेपालका विभिन्न जातजाति एवं समुदायका भेष भूषाको प्रस्तुति निकै रोचक रहेको थियो।

कार्यक्रममा कुवेतमा रहेको कूटनीतिक नियोगका प्रमुख तथा प्रतिनिधिहरू, सरकारी निकायका पदाधिकारीहरू, व्यापारी समुदायका सदस्यहरू, स्थानीय नागरिक, पत्रकार लगायत नेपाली समुदायका सदस्यहरूको उपस्थिति रहेको थियो।