नागरिक पोष्ट News

काठमाडौ -  कतारमा जारी फिफा विश्वकप फुटबलमा आज मंगलबार अन्तिम १६ अन्तर्गतका दुई खेल हुँदैछ । कतारको एजुकेसन सिटी स्टेडियममा नेपाली समय अनुसार बेलुकी पौने ९ बजे हुने पहिलो खेलमा मोरक्को र स्पेनबीच प्रतिस्पर्धा हुनेछ ।

मोरक्को समूह ‘एफ’ को विजेता र स्पेन समूह ‘ई’ को उपविजेता बन्दै नकआउट चरणमा पुगेका हुन् । लुसिल स्टेडियममा राति पौने १ बजे हुने अर्को खेलमा पोर्चुगल र स्विट्जरल्याण्ड भिड्नेछन् । पोर्चुगल समूह ‘एच’ को विजेता र स्विट्जरल्याण्ड समूह ‘जी’ को उपविजेता बन्दै नकआउट चरणमा पुगेका हुन् ।