नागरिक पोष्ट News

काठमाडौं - नेपाली बजारमा मंगलबार सुनचाँदीको मूल्य घटेको छ । आज सुनको मूल्य प्रतितोला ३०० रुपैयाँले घटेको नेपाल सुनचाँदी व्यवसायी महासंघले जनाएको हो ।

हिजो सोमबार ९७ हजार ५०० रुपैयाँमा कारोबार भएको छापावाल सुन आज प्रतितोला ९७ हजार २०० रुपैयाँमा कारोबार भइरहेको छ । यस्तै तेजावी सुनको मूल्य आज ९६ हजार ७०० रुपैयाँ कायम भएको छ । हिजो तेजावी सुन प्रतितोला ९७ हजार रुपैयाँमा कारोबार भएको थियो ।

यता आज चाँदीको मूल्य भने बढेको छ । चाँदी तोलामा १५ रुपैयाँले बढेर १ हजार २ सय ८० रुपैयाँ कायम भएको छ । हिजो चाँदी प्रतितोला १ हजार २ सय ६५ रुपैयाँमा कारोबार भएको थियो ।