नागरिक पोष्ट News

साहित्य, समाज, कला क्षेत्र लगायत क्षेत्रमा जीवनकालभर अहोरात्र खटिनुभएको भद्र कुमारी घलेलाई व्यक्ति विशेष राष्ट्रिय नागरिक सम्मान गरिएको छ । घले ९२ वर्षको उमेरमा पनि साहित्य र समाज सेवा क्षेत्रमा उत्तिकै सक्रिय रहनुभएको छ । एक्लोपन (बूढ्यौलीको गन्थन निबन्ध संग्रह) घलेको पछिल्लो प्रकाशन हो ।  घले अन्तराष्ट्रिय शान्ति दिवसको अवसरमा २०७९ असोज ५ गते नेपाल प्रज्ञा प्रतिष्ठान कमलादीमा आयोजित राष्ट्रिय प्रेस क्लब नेपालको ३८ औं वार्षिकोत्सव कार्यक्रममा सम्मानित हुनुभएको हो । गणतन्त्र नेपालका प्रथम उपराष्ट्रपति परमानन्द झा ले घलेलाई दोसल्ला ओढार राष्ट्रिय सम्मान गर्नुभएको थियो । कार्यक्रममा २ दर्जनभन्दा बढी राष्ट्रिय व्यक्तित्वहरु राष्ट्रिय नागरिक सम्मानबाट सम्मानित भएका थिए।