नागरिक पोष्ट News

काठमाडौं – काठमाडौं क्षेत्र नं. ६ मा कांग्रेस नेता भीमसेन दास प्रधान तेस्रो पटक चुनाव लडने तयारीमा छन । यस अघि लगातार दुई पटक चुनाव जितेका प्रधान ह्याट्रिक गर्ने सोचमा छन । ७४ सालको आम निर्वाचनमा कांग्रेसले देश भरवाट जम्मा २३ सिट प्रत्यक्ष चुनाव जित्दा प्रधानले पनि जितेका थिए । उनले चुनाव मात्र जितेनन,पार्टीले उनलाई रक्षा मन्त्री समेत बनायो । सांसद र मन्त्रीका रूपमा उनी कहिल्यौ विवादमा आएनन् । सामान्य जीवन शैली र सरल स्वाभाव उनको परिचय बन्न पुग्यो । त्यसैले कार्यकता माझ उनी सधै प्रिय छन । प्राज्ञिक क्षेत्रवाट कांग्रेसको राजनितिमा प्रवेश गरेका प्रधानको राजनितिक इतिहास पनि गर्भिलो छ । लोकतन्त्र प्राप्तिको आन्दोलनमा प्रधान सधै अग्रभागमा छन । प्राध्यापक संघको सभापति समेत भइसकेका प्रधानसंग पेशागत नेतृत्वको समेत अनुभव छ । कांग्रेस भित्र पूर्वमहामन्त्री कृष्णप्रसाद सिटौला समूहका प्रभावशाली नेता समेत रहेका प्रधान अवको निर्वाचन आफ्ना लागी अन्तिम हुने बताउँछन । भन्छन – ‘अव एक पटक चुनाव लड्छु, त्यस पछि पुग्यो ।’