११ औं गाउँसभा सम्पन्न गर्दै थाक्रे गाउँपालिकाद्वारा ९२ करोड २८ लाखको बजेट सार्वजनिक
![](uploads/feature/28896.jpg)
काठमाडौँ - धादिङको थाक्रे गाउँपालिकाले आर्थिक वर्ष २०७९/०८० का लागि नीति तथा कार्यक्रम र बजेट सार्वजनिकिकरण गरेको छ । ११ औं गाउँसभा मार्फत उपाध्यक्ष यन्त्र बहादुर थापाले कुल ९२ करोड २८ लाख ११ हजार रुपैयाको बजेट विनियोजन गरेका छन् ।
गाउँसभाले आगामी आर्थिक बर्षको लागि आर्थिक विकास, सामाजिक विकास, पूर्वाधार विकास, सुशासन तथा अन्तर सम्बन्धित क्षेत्र, न्यायिक समिति, लैङ्गिक तथा सामाजिक समावेशीकरण, वातावरण तथा विपद व्यवस्थापन लगायतका शिर्षकमा बजेट विनियोजन गरिएको छ ।
गाउँसभाले आर्थिक विकास तर्फ रु. ८ करोड १९ लाख ४० हजार बजेट विनियोजन गरेको छ । सामाजिक विकास तर्फ रु. ३२ करोड २९ लाख ६० हजार बजेट विनियोजन गरेको छ । पृर्वाधार विकास तर्फ रु. ३९ करोड ३६ लाख १६ हजार बजेट विनियोजन गरेको छ । कार्यालय तथा प्रशासनिक तर्फ रु. ९ करोड ५० लाख बजेट विनियोजन गरेको छ । त्यसै गरी सुशासन तथा अन्तरसम्बन्धित क्षेत्र तर्फ २ करोड ९२ लाख ९५ हजारको बजेट विनियोजन पालिका उपाध्यक्ष थापाले गाउँसभामा प्रस्तुत गर्नु भएको हो ।
बजेट प्रस्तुत गर्नुपूर्व गाउँपालिका अध्यक्ष राम कुमार आचार्यले नीति तथा कार्यक्रम प्रस्तुत गर्नु भएको हो ।