नागरिक पोष्ट News

भोला तिमल्सिना,भक्तपुर -  भक्तपुर जिल्ला चाँगुनारायण नगरपालिका वडा नं ८ मा १०८ फिट अग्लो कलमशी कल्पेश्वर महादेवको निमार्ण कार्य जारी छ ।  बुद्धि कुमार श्रेष्ठ शिव तान्त्रिक गुरु को अनुकम्पामा निमार्ण भई रहेको १०८ फिट को  कलमशी कल्पेश्वर महादेव निमार्णसँगै यस क्षेत्रको पर्यटन प्रवद्धन मा यथेष्ट टेवा पुग्ने विश्वास लिईएको छ । भक्तपुर र काभ्रे जिल्लाको सिमानामा अवस्थित मनोरम स्थल मा निमार्णाधिन कलमशी कल्पेश्वर महादेव को निमार्णका लागि शिवत्रान्त्रिक गुरुको विशेष योगदान र पहल रहेको छ । 

विभिन्न सहयोगी हातहरुको साना साना सहयोग जुटाउदै करिब ७० करोडको लागतमा १०८ फिटको कलमसी महादेवको निर्माण गर्न लागिएको शिवत्रान्त्रिक गुरुले बताउनु भएको छ । सबै सहयोगी मनहरुलाई तन ,मन,र धनले सहयोग गर्न मानव कल्याण आध्यात्मीक प्रतिष्ठानले आग्रह गरेको छ ।