नागरिक पोष्ट News

काठमाडौँ – केही समय यता नेपाली फिल्मलाई लिएर चर्चा परिचर्चा बढ्दो छ । गत वैशाख १ गते विदेशी फिल्मले स्क्रिन संख्यामा दबाब दिएपछि सुरु भएको चर्चा परिचर्चाले अझै निरन्तरता पाइरहेको छ । केही  दिन यता नेपाली फिल्म ‘कबड्डी ४ स् द फाइनल म्याच’ चर्चामा छ । फिल्मले पाएको शो, गरिरहेको कलेक्सनले यसलाई चर्चामा ल्यायो । यतिबेला यो फिल्म ‘थप्पड’ प्रकरणले चर्चामा छ । 

हलमा प्रदर्शनरत फिल्म ‘कबड्डी ४ स् द फाइनल म्याच ले कमाइमा किर्तिमान राखिरहेको छ । फिल्मप्रति दर्शकको आकर्षण बढेसँगै ‘कबड्डी ४’ टिम हलमा पुगेर प्रत्यक्ष रुपमा प्रतिक्रिया लिइरहेका थिए । यहीक्रममा काठमाडौंको सिभिल मलमा आइतबार साँझ फुर्वा लामा नाम गरेका युवकले आफूलाई पछाडिबाट अस्वाभाविक रुपमा छोएको भन्दै अभिनेत्री मिरुना मगरले थप्पड हानेकी हुन् । उनले नै आफूमाथि दुर्व्यवहार भएको भन्दै प्रहरी वृत जनसेवामा अभद्र व्यवहारको बारेमा जानकारी दिएपछि प्रहरीले मुगु घर भएका फुर्वालाई पक्राउ गरेर हिरासतमा राख्यो । फुर्वाले त्यही माफी पनि मागेका थिए । फिल्मकै एक सदस्यले ती व्यक्तिले गल्ति स्वीकारेको बताएका थिए । यद्यपि टिकटक लगायतका सोसल एपहरुमा भिडियो आएसँगै यतिबेला यो चर्चाको विषय बनेको छ । अभिनेत्री मिरुना मगरले आफूलाई ‘ब्याड टच’ गरेको भन्दै रियाक्ट गरेकी हुन् । त्यसो त अभिनेत्रीहरुलाई भिडमा जादा समस्या देखिने गरेको छ । 

गोपीकृष्ण हलको भिडभाड होस् या अष्टनरायण हलको दर्शकसँग साक्षात्कार गर्दा अभिनेत्रीहरू सजगता अपनाउने गर्छन । यसै कारणले केही कलाकारहरूले हल पुग्दा ‘बडीगार्ड’ को प्रयोग पनि गर्ने गरेका छन् । दर्शकसँग साक्षात्कार गर्ने रहर हुँदा पनि केही खराब नियत भएकासँग डराउनु पर्ने अवस्था रहेको एक अभिनेत्रीले बताइन् । उनले भनिन्, ‘हामीलाई दर्शकसँग पुग्ने, भेट्ने रहर नहुने होइन । तर, त्यो भिडमा सबैको नियत ठिक हुँदैन। हामीले धेरै समस्या भोग्ने गरेका छौँ । तर, लाज वा अरुले के भन्लान्रु भनेर बाहिर ल्याउने गर्दैनौँ’ । उनले अहिले मिरुनाले अहिले भोगिरहेको समस्या पर्ने डरले आफू लगायतका केही अभिनेत्रीहरुले यस्ता समस्यालाई बाहिर नल्याउने गरेको बताइन् । यहाँ छोयो, त्यहाँ छोयो कसलाई भन्ने रु हामीले भन्दा हाम्रै बेइज्जत गर्छन् । भिडमा गएसी छोइहाल्छ नि भन्छन् । तर, नियतबस र भुलबस छोइएको हामीलाई पनि त थाह हुन्छ नि’ ती अभिनेत्रीले भनिन् । 

आफूलाई असहज भएपछि त्यसको प्रतिकार गरेकी हुन् । उनीसँगै हल पुगेका एक अभिनेताले भने,’ भिडभाडमा भूलबस हुने कुरा बेग्लै हुन्छ । हामी आफैँ पनि दर्शक दिर्घामा हुँदा सामान्य रुपमा हुने भुलबसलाई बुझ्ने गरेका छौँ । आइतबारको त्यो घटना त्यस्तो थिएन । ती युवा देखिँदा नै अस्वभाविक थिए । अभिनेत्रीलाई असहज भएपछि नै थप्पड हानेकी हुन् । ‘मिरुना आफैले पनि आफू माथि दुर्व्यवहार गर्ने भिक्षुको अवतारमा देखेपछि झनै आक्रोशित भएको बताएकी छिन् । ‘म फ्यानहरूसँग अगाडि फर्किएर सेल्फी खिचिरहेको थिएँ । त्यसबेला मलाई पछाडि कसैले छोएको महसुस भयो । म झस्किएँ र अलिकता अगाडि सरेँ । दोस्रो चोटी पनि यस्तै भयो । तेस्रो पटक चाहिँ मलाई कसैले  ‘दुर्व्यवहार’ नै गरेको महसुस भएपछि मैले थप्पड हानेको हुँ’ उनले भनिन् । 

मिरुना शान्त स्वभावकी मिरुनाले आफू पनि बुद्धिस्ट भिक्षुको भेषमा देख्दा क्रोधित भएको बताएकी छिन् । ‘हेर्दा मभन्दा उमेरले सानो लागेपछि सबैको अगाडि कराएँ पनि । त्यसबेला मैले कलाकारको रुपमा नभइ मानव भएको हिसाबले आफूमाथि भएको दुर्व्यवहारको प्रतिवाद गरेँ । उसले मसँग माफी पनि माग्यो । मैले उसलाई छाड्न पनि खोजेको थिएँ । तर, पछि म आफैंलाई लाज लाग्यो । किनकि, त्यहाँ सबैले भिडियो रेकर्ड गर्नुभएको थियो । बाहिर निस्किएर म रोएँ पनि । आफैंलाई कमजोर महसुस गरेँ । त्यो व्यक्ति हाँसीखुसी बाहिर रमाइरहेको देखेपछि मेरो चित्त बुझेन र मैले कानुनको सहायता लिनुपर्छ भन्ने लागेर प्रहरीको जिम्मा लगाएँ’ मिरुनाले भनिन् । 

उनले सानो भिडियो क्लिप हेरेर घटनाको बारेमा टिकाटिप्पणी नगर्न पनि आग्रह गरेकी छिन् । उनले भनिन् , ‘भिडियोमा मैले उहाँ भिक्षुलाई कराइरहेको मात्र देखिएको छ, त्यसैले ममाथि गालीगलौज भएको होला । मलाई थ्रेट पनि आएको छ ।’  उनले आफूले दुर्व्यवहार भएको महसुस गरेपछि कानुनी सहर लिएको बताएकी छिन् ।  ‘यस्तो घटना कसैमाथि नदोहोरियोस् र उसले पनि भोलिका दिनमा यस्तो कसैलाई नगरोस् । भिडियोमा आधी कुरा मात्र हेरेर एकतर्फी धारणा बनाउनु राम्रो होइन’ मिरुनाले भनिन् । उनले केटीहरूले सहजै आफ्नो कुरा व्यक्त नगर्नुको कारण यी यस्तै रहेको समेत बताइन । ‘हामीले हिम्मत जुटाएर यस्ता कुरा बाहिर भन्छौँ । तर, हामीलाई नै जज गरिन्छ । अनि कहाँ भन्ने हिम्मत जुट्छ त रु’ उनले प्रश्न गरिन् ।

भिडले नै बनाउँछ ‘विचार र मानसिकता’ 

मिरुनाले आफूलाई दुर्व्यवहार भएको महसुस गरेर थप्पड हानिन् । ती युवालाई कानुनी प्रक्रियामा पठाइन । तर, टिकटकमा आएको सानो भिडियो क्लिपले भिडलाई एक किसिमको विचार सम्प्रेषण गर्‍यो । भिडले बनाएको मानसिकताका कारण उक्त घटना जातियतामा समेत परिणत भइरहेको छ । दुई समुदाय एक अर्काको गल्ति देखाउन तल्लिन छन् । शान्ति र अहिंसाको प्रतीक मानिने बुद्धको धर्मलाई आत्मसात गर्नेहरू पनि पोस्टर जलाउन पुगेका छन् । आन्दोलन गरिरहेका छन् । यसले भिडलाई एउटा विचार सम्प्रेषण गरेको छ । जहाँ कसैले मिरुनालाई गल्ति देखेका छन् भने कसैले भिक्षु फुर्वालाई । अधिकांशले टिकटकमा सानो क्लिप हेरेर नै मानसिकता बनाएका छन् ।

यहाँ अपराधी भन्दा पनि उसको जात र धर्मलाई अगाडि ल्याइएको छ । अपराधीको आरोपी वा गल्ती गर्ने त दोषी हुनुपर्ने होइन र रु तर , यहाँ समुदायसँग जोडेर साम्प्रदायिकता गर्न खोज्नेको कमी छैन ।  घटना नै नबुझेर मानसिकता बनाउने क्रम बढ्दै गएपछि आउँदो दिनमा अन्यले आफू माथि भएको दुर्व्यवहारलाई सार्वजनिक गर्न सक्लान् त ?  यो प्रश्न उब्जिएको छ ।