नागरिक पोष्ट News

अमेरिकामा एकै दिनमा कोभिड-१९ बाट १ लाख १० हजार ६ सय १४ जना संक्रमित भएका छन् । यसै गरि बिगत २४ घन्टामा ३६१ जनाको मृत्यु भएको न्यूयोर्क टाइम्सले जनाएको छ । उक्त तथ्याँक मे २६ का दिन न्यूयोर्क टाइम्सले अध्यावधिक गरेको हो ।

संक्रमण दर ३१ % वृद्धि भएको छ भने अहिले सम्म कूल ८ करोड ३६ लाख ४४ हजार ७ सय १ जना संक्रमित भएका छन् । गत २४ घन्टामा ९ लाख ८४ हजार ८ सय ५७ कोरोना जाँच गराएका छन भने हाल अस्पतालमा २५ हजार ७ सय ५५ जना भर्ना भएका छन् । अस्पताल भर्ना दर २९ % वृद्धि भएको छ । त्यसै गरि सघन कक्ष(आइसियु)मा २५ हजार ७ सय ५५ जना भर्ना भएका छन् भने २५ % वृद्धि भएको छ ।

अमेरिकामा हाल सम्म कूल १० लाख २ हजार १ सय ७९ जना मानिसको कोभिड-१९ बाट मृत्यु भै सकेको छ । अमेरिकामा हाल सम्म २२ करोड १० लाख ५० हजारले पूर्ण खोप लिई सकेका छन । १८ बर्ष भन्दा माथिका मानिसहरुले ७६.५ % र ६५ बर्ष भन्दा बढी उमेरका मानिसहरुले ९०.९ % पूर्ण खोप लगाई सकेका छन् ।

यसै गरि अभिवर्धक खुराक(बुस्टर डोज) १० करोड २९ लाख ९७ हजारले लिई सकेका छन् ।

सिडिसीका अनुसार कूल जन संख्यामा कम्तिमा कोरोना बिरुद्ध १ खोप लगाउनेको संख्या २५ करोड ८३ लाख १२ हजार पुगेको छ ।