नागरिक पोष्ट News

संखुवासभाको मादीमा बस दुर्घटना हुँदा 14 जनाको एकै चिहान, 5 जनाको जिवितै उद्दार

संखुवासभा - संखुवासभामा बस दुर्घटना हुँदा कम्तिमा 14 जनाको मृत्यु भएको प्रहरीले जनाएको छ । संखुवासभा बाट दमकतर्फ जाँदै गरेको बा ४ ख ७३५ नम्बरको बस बिहिबार बिहान करिब साढे सात बजे दुर्घटनाग्रस्त भएको हो। संखुवासभाको मादी नगरपालिका वडा नं. ६ सातघुम्ती भन्ने स्थान बस खसेको हो ।

घटनास्थलमा रहेका मादी नगरपालिका वडा नम्बर ६ का अध्यक्ष धननारायण तामाङले नागरिकपोस्टसंग कुराकानी गर्दै 14 जनाको शव निकालिएको बताएका छन् । मृतकहरुको पहिचान भइसकेको छैन । । बस सडकबाट करिब साढे ३ सय मिटर तल खसेको छ ।

दुर्घटनामा ५ जनाको जीवितै उद्धार गरिएको स्थानीय डम्बरबहादुर बस्नेतले बताएका छन् । घाईतेहरुको मध्ये केहीको अबस्था गम्भीर छ। उनका अनुसार सुवास गोले, युका पोखरेल, तुलसा कडुवाल, बलबहादुर कार्की र अम्बिका कार्कीलाई जीवितै उद्धार गरिएको हो ।

स्थानीयका अनुसार बसमा करिब १९ देखि २१ जना यात्रु थिए । बस सडकबाट करिब ३ सय मिटर तल खसेको थियो । संखुवासभाका प्रमुख जिल्ला अधिकारी नूरहरि खतिवडाले अहिले पनि उद्धार कार्य जारी रहेको बताएका छन् ।