नागरिक पोष्ट News

नुवाकोट - स्रोत नखुलेको ६९ लाख ९९ हजार रकमसहित एक व्यक्त पक्राउ परेका छन् । नुवाकोट जिल्लाको  ककनी गाउँपालिका वडा नम्बर ३ चाउथेका  नवराज ढुंगानालाई मंगलबार महानगरीय प्रहरी कार्यालय रानीपोखरी र प्रहरी वृत्त बालाजुको संयुक्त टोलीले काठमाडौंको बाइपासबाट पक्राउ गरेको प्रहरीले जानकारी दिएको छ  । 

बाईपासबाट नेपालटारतर्फ जाने ओरालोबाट नियन्त्रणमा लिइएका २९ वर्षीय ढुंगानालाई बालाजु वृत्तमा राखी अनुसन्धान भइरहेको प्रहरीले जनाएको छ । त्यतिका रकम कहाँ बाट आयो र कुन प्रयोजनका लागि लगिदै थियो अनुसन्धान पश्चात जानकारी गराइने बालाजु वृत्तले जानकारी दिएको छ । पैसा डिजिटल कारोबारका लागि ओसारपसार गरिएको हुनसक्ने आशंका गरिएको छ।