नागरिक पोष्ट News

भोला दीप यात्री, काठमाडौँ - जल तथा मौसम विज्ञान विभाग, मौसम पूर्वानुमान महाशाखाले  देशभर चिसो बढ्ने क्रम जारी रहेकाले चिसो बाट बच्न  सतर्कता अपनाउन आग्रह  गरेको छ। बुधबार जारी गरेको  मौसम पूर्वानुमान बुलेटिन (Weather Forecast Bulletin)मा महाशाखाले  निरन्तर चिसो बढे पनि मौसम भने सामान्य रहने जानकारी गराएको हो। 

हाल देशमा पश्चिमी न्यून चापीय प्रणालीको आंशिक प्रभाव रहेको छ। अहिले  देशको  पहाडी भू-भागमा आंशिक बदली  रहे पनि  देशका अन्य भू-भागमा मौसम सामान्यतया सफा रहेको जानकारी महाशाखाले गराएको छ।

" देशभर चिसो बढ्ने क्रममा रहेकोले चिसोबाट बच्न आवश्यक सुरक्षा एवं सतर्कता अपनाउनु हुन तथा अद्यावधिक मौसमी बुलेटिन तथा सूचनाको जानकारी लिन हुन समेत सबैमा अनुरोध छ।" जारी बुलेटिनमा भनिएको छ।