नागरिक पोष्ट News

एजेन्सी :  नाइजेरियाको एक जेलमा भएको आक्रमणमा परी ११ जना कैदीबन्दीहरुको मृत्यु भएको छ । सो आक्रमणबाट २५२ जना बन्दीहरु भागेका छन् । जोस नामक सहरमा रहेको सो बन्दीगृहमा आइतबार राती अज्ञात बन्दुकधारीहरुले हमला गरेका थिए ।

उक्त हमलामा परेर यहाँका ११ जनाको मृत्यु भएको हो भने अरु २५२ जना भाग्न सफल भएका छन् । नाइजेरियाको कारागार अधिकारीहरुका अनुसार सो हमला कसले गर्यो भन्ने बारेमाा केही खुल्न सकेको छैन । कैदीलाई भगाउने उद्देश्यले सो हमला गरेको हुनसक्ने अनुमान गरिएको छ । यहाँका कारागार सम्बन्धी निकायका अधिकारीहरुले आक्रमणकारीहरुको भने खोजी कार्य गरिरहेका छन् ।