नागरिक पोष्ट News

काठमाडौं : नेपाल विद्यार्थी संघका पूर्व अध्यक्ष नैनसिंह महरले काँग्रेसको १४ औं महाधिवेशनमा केन्द्रीय सदस्यको उम्मेदवारी दिनुहुने भएको छ । महरले मंगलबार काठमडौंमा पत्रकार सम्मेलन गरी १४ बुँदे कार्ययोजना सार्वजनिक गर्दै केन्द्रीय सदस्यमा उम्मेदवारी दिने घोषणा गर्नुभएको हो ।

एक व्यक्ति, एक पद दुईपटक मात्रै हुनुपर्ने देखि सरकार र पार्टी सञ्चालनका लागि थिङ ट्याङ्कको स्थापना गर्नुपर्ने लगाएतका कार्ययोजना रहेको महरले जानकारी दिनुभयो । पत्रकार सम्मेलनमा उहाँले पार्टीभित्र व्यवहार र आचरणमा शुद्धता तथा आर्थिक पारदर्शिता हुनुपर्ने बताउनुभयो । उहाँले पार्टीको रुपान्तरणका लागि युवा काँग्रेस स्थापना हुनुपर्ने पनि धारणा राख्नुभयो ।

उहाँले निःशुल्क स्वास्थ्य–शिक्षा, सर्वसुलभ यातायात र सञ्चार, गुणस्तरीय जीवनका आधार, लगानीमैत्री वातावरण, युवा उद्यमशीलता र स्वरोजगार अर्थतन्त्रमा सुधार राष्ट्रिय स्वार्थ केन्द्रित विदेश नीति लगाएतका एजेण्डा पनि तय गर्नुभएको छ ।