नागरिक पोष्ट News

काठमाडौ । नेपाली कांग्रेसको प्रदेश समितिको अधिवेशन मंसीर ३ गते देशैभर हुँदैछ । यसै सन्दर्भमा काठमाडौ क्षेत्र नं. ६ प्रदेश ख मा पनि चुनावी रौनक बढेको छ । प्रदेश सभापतिमा बिभिन्न नेताहरुले उम्मेद्धारी घोषणा गरिरहँदा बिष्णुभक्त तिमिल्सिनाको नाम चर्चामा छ ।

१६ वर्षको उमेरदेखि नेविसंघमा आवद्ध रही पञ्चायत विरुद्धको आन्दोलनमा होमिएका तिमिल्सिना २०४६ सालको आन्दोलनमा सकृय भुमिका निभाएको उनी बताउनुहुन्छ ।

२०६२/६३ को जनआन्दोलनका घाइते तथा तत्कालीन शाही सेनाले पटकपटक हिरासतमा रहेका तिमिल्सिना २०६७ मा तत्कालीन धर्मस्थली गाउँ बिकास समितिको सभापतिमा निर्वाचित भई काठमाडौंका तत्कालीन गाविस सभापतिहरु मध्य सर्वोउत्कृस्ट सभापतिको रुपमा सम्मानित भएका थिए ।

२०७४ को प्रदेश सभा प्रतिनिधि सभा आम निर्वाचनमा नेपाली कांग्रेसको तर्फबाट काठमाडौ क्षेत्र नं ६, प्रदेश सभा (ख) बाट सांसद पदका उठेका तिमिल्सिना कुसल संगठक एवं काठमाडौं क्षेत्र नं. ६ को संगठन विभाग प्रमुखको रुपमा काम गरि आम कार्यकर्ता माझ लोकप्रिय रहेका छन् ।