नागरिक पोष्ट News

सुर्खेत - मुगुको सदरमुकाम गमगढीमा भीषण आगलागी भएको छ । गएराति साढे १२ बजेदेखि आगो लाग्दा २१ घर जलेर पूर्ण नष्ट प्रहरीले जानकारी दिएको छ।

ठिङने लामाको घरमा पूजाका लागि जलाएको बत्तीबाट आगलागी भएको प्रहरीले जनाएको छ। अहिले आगोलाई फैलनबाट रोके पनि पूरै आगो भने नियन्त्रणमा आइनसकेको  प्रमुख जिल्ला अधिकारी रोमबहादुर महतले  जानकारी दिए।

अहिले सेना, प्रहरी र स्थानीय बासिन्दाको सहयोगमा आगो निभाउने काम भइरहेको उनको भनाइ छ।