नागरिक पोष्ट News

ललितपुर । पटनको मंगलबजारमा ग्यास पड्किएर आगलागीमा परि एकैपरिवारका चार जनाको मृत्यु भएको छ । शुक्रबार साँझ आगलागी हुँदा एकैपरिवारका चार जनाको मृत्यु भएको महानगरीय प्रहरी कार्यालय, रानीपोखरीले जनाएको छ । 

मृत्यु हुनेहरुमा लक्ष्मीकृष्ण ताम्राकार, उनकी छोरी अञ्जना ताम्राकार, बुहारी रञ्जना ताम्राकार र नाती निर्जल ताम्रकार रहेको प्रहरीले जनाएको छ । प्रहरी र स्थानीयले पाँच जनाको उद्दार गरेका छन् । उक्त स्थानमा घाइते भएकाहरुको पाटन अस्पतालमा उपचार भइरहेको छ । 

म्हस् पूजा गर्ने क्रममा बालिएको बत्तीबाट आगो सल्किएको र पछि ग्यास विस्फोट हुँदा ठूलो मानवीय क्षति भएको प्रहरीको प्रारम्भिक अनुमान छ । आगलागी ग्यास सिलिन्डर पड्केर भएको आशंका गरिएको छ ।