नागरिक पोष्ट News

काठमाडौं– लमजुङमा जन्मिएर राष्ट्रिय अन्तराष्ट्रिय स्तरमा ख्यातीप्राप्त लोक तथा दोहोरी गायक राजु परियारलाई ‘लोक स्वर सम्राट’ को उपाधि दिइएको छ । पोखरामा आयोजित राष्ट्रिय गण्डकी म्युजिक अवार्ड वितरणका क्रममा लोकगायक परियारलाई लोक स्वर सम्राट घोषणा गरिएको हो । पुष्पाञ्जली स्टुडियो पोखराले शुक्रबार पोखरामा आयोजना गरेको राष्ट्रियस्तरको गण्डकी म्युजिक अवार्ड–२०७८ वितरण क्रममा गण्डकी प्रदेशका अर्थमन्त्री रामजीप्रसाद बराल, स्टुडियोका प्रवन्धत निर्देशक कृष्णप्रसाद गौतमलगायतले सम्मान गरेका थिए ।

लमजुङको बेंसीसहर नगरपालिका २, चिसापानीमा जन्मिनुभएका परियार २ दशकयता नेपाली लोक संगीतको क्षेत्रमा क्रियाशील रहनुभएको छ । नेपाली सांगीतिक क्षेत्रमा सम्भवतः सवैभन्दा बढी गीत गाउने गायकका रुपमा उहाँलाई लिईने गरेको पाहिन्छ ।

तपाईलाई लोक सम्राट्को रुपमा समान गर्दा कस्तो लगेको छ भन्ने प्रश्नमा राजु भन्नु हुन्छ । “समानित हुन पाउदा खुशी लागेको छ । यो सम्मान मेरो लागि मात्रै नभएर सिङ्गो लोक संगीतलाई गरिएको सम्मान हो ।” उहाँले भन्नु भएको छ । यस्ता सम्मान र उपाधिले नेपाली लोक संगीतको क्षेत्रलाई अझै फराकिलो बनाउन मदत पुग्ने उहाँले भन्नु भयो । उहाँले पाएको सम्मानमा बरिस्ठ लोक गायिका हरिदेवि कोईरालाले लोक स्वर सम्राट् लागि राजु परियार एकदमै योग्य ब्यक्ति भएको भन्दै खुलेर तारिफ गर्नु भएको थियो । सोहि अवार्ड कार्यक्रमका गायिका कोईरालाले लाईफ टाइम अचिभमेन्ट अवार्ड पाउनु भएको छ ।