नागरिक पोष्ट News

काठमाडौं । धेरैजसो वाणिज्य बैंकहरुले कात्तिक १ गतेदेखि लागू हुने गरी निक्षेपको ब्याजदर बढाए । जसको प्रभावस्वरुप नेपाल स्टक एक्सचेञ्ज (नेप्से)मा पहिरो गएको छ ।

ब्याजदर बढाएर निक्षेप तान्ने काम भने असोज महिनादेखि नै शुरु भइसकेको थियो । असोज महिनामा सबैभन्दा बढी ब्याजदर बढाउने बैंकहरुमा सनराइज, सानिमा र मेगा बैंक थिए । तीनवटा बैंकले कात्तिक महिनामा भने ब्याजदर घटाएका छन् ।

असोज महिनामा ब्याजदर बढाउने बैंकको निक्षेप बढेको देखिएको छ । भदौ मसान्तसम्म वाणिज्य बैंकमा ४१ खर्ब ७१ अर्ब रुपैयाँ निक्षेप थियो । दशैंको विदा शुरु हुने अघिल्लो दिन असोज २५ गतेसम्म वाणिज्य बैंकमा ४२ खर्ब २९ अर्ब रुपैयाँ निक्षेप थियो ।