नागरिक पोष्ट News

काठमाडौं । प्रधानमन्त्री बनेको लामो समय पछि शेरबहादुर देउवाले मंगलवार मन्त्रीमण्डल विस्तार गर्ने भएका छन् । मन्त्रिपरिषद् विस्तार नहुँदा सरकारका काम समेत प्रभावित भएका छन् भने विपक्षीको विरोध पनि कायम छ । राजनीतिक दल विभाजनसम्बन्धी अध्यादेश फिर्ता लिएसँगै प्रधानमन्त्री देउवाले सरकारलाई पूर्णत दिनेबारे गृहकार्य थालेका हुन् ।

प्रधानमन्त्री देउवाले गठबन्धन दलका नेताहरुसँग यसअघि पनि पटक पटक यसबारे छलफल गरेको भएपनि मन्त्रीको नाम अन्य दलले दिन नसक्दा मन्त्रीमण्डलले पूर्णता पाउन सकेको थिएन । दलहरुबीच भएको सहमति अनुसार सत्तारुढ दल नेपाली कांग्रेसले सात वटा मन्त्रालय पाउने छ ।

यसैगरी नेकपा माओवादी केन्द्र, नेकपा एकीकृत समाजवादी र जनता सामजवादीले ६–६ वटा मन्त्रालय लिने सहमति भएको नेताहरुले बताएका छन् ।