नागरिक पोष्ट News

काठमाडौं – नेपाल भ्रमणमा रहेकी एमसीसी उपाध्यक्ष फतिमा सुमारले अपराह्न ४ बजे प्रधानमन्त्री शेरबहादुर देउवासँग भेटवार्ता गर्ने तय भएको छ ।

बुधबार काठमाडौं आएकी सुमारले एमाले अध्यक्ष केपी ओली, माओवादी केन्द्रका अध्यक्ष पुष्पकमल दाहाल प्रचण्ड, नेकपा (एकीकृत समाजवादी)का अध्यक्ष माधवकुमार नेपाल, जसपा अध्यक्ष उपेन्द्र यादव र संघीय परिषद् अध्यक्ष डा. बाबुराम भट्टराईलाई भेटिसकेकी छन् ।

शुक्रबार अपराह्न ४ बजे प्रधानमन्त्री देउवासँग भेट्ने तय भएको प्रधानमन्त्रीको सचिवालयले जनाएको छ । संघीय संसदबाट एमसीसीसम्बन्धी सम्झौता पारित गर्नेबारे छलफल र बहस चुलिँदै गर्दा उपाध्यक्ष सुमार नेपाल भ्रमणमा आएकी हुन् ।