नागरिक पोष्ट News

सप्तरी : सप्तरीको शम्भुनाथ नगरपालिकामा पोखरीमा डुवेर एक युवकको मृत्यु भएको । मृत्यु हुनेमा शम्भुनाथ नगरपालिका ३ कचन्दाहाका २५ वर्षीय कृष्ण मण्डल रहेको छ ।

बिहीबार साँझ घर नजिकैको सार्वजनिक पोखरीमा डुबेर उनको मृत्यु भएको सप्तरी प्रहरीका प्रवक्ता एवं डीएसपी माधव प्रसाद काफ्लेले जानकारी दिनुभयो । यसैगरी तिलाठी कोइलाडी गाउँपालिका वडा नम्वर ३ सकरपुराका ११ वर्षीय चन्दन ठाकुरको करेन्ट लागेर मृत्यु भएको छ । आफ्नै घरमा जडान गरिएको डिस होमको रिसिभरलाई सफा गने क्रममा करेन्ट लागेको ठाकुरको घटनास्थलमै उनको मृत्यु भएको जिल्ला प्रहरी कार्यालय सप्तरीले जनाएको छ । यस्तै, सदरमुकाम राजविराजमा ट्याक्टरले मोटरसाइकललाई ठक्कर दिंदा एक जनाको मृत्यु भएको छ ।

राजविराज नगरपालिका–५ स्थित राजविराज–कुनौली सडक खण्डमा को ७ प ४४१० नम्बरको मोटरसाइकललाई स १ त २८७८ नम्बरको ट्याक्टरले ठक्कर दिंदा मोटरसाइकलको पछाडि सवार विष्णुपुर गाउँपालिका ५ कट्टी बस्ने ६० वर्षीय लेल्है खंगको मृत्यु भएको प्रहरीले जनाएको छ । ठक्करबाट घाइते भएका उनको उपचारको क्रममा मृत्यु भएको तथा शव पोष्टमार्टमका लागि गजेन्द्र नारायण सिंह अस्पताल राजविराजमा राखिएको प्रहरीले जनाएको छ ।