नागरिक पोष्ट News

काठमाडौं - ह्वावेको हार्मोनी ओएस २.० सार्वजनिक भएको दुई महिना बितिसकेको छ । हार्मोनी ओएस सार्वजनिक गर्दा कम्पनीले नयाँ सिस्टम धेरैजसो स्मार्टफोनमा उपलब्ध गराउने जनाएको थियो । जसअन्तर्गत यो वर्षको अन्त्यसम्म सयभन्दा बढी मोडलमा हार्मोनी ओएस उपलब्ध हुने जनाइएको थियो ।

त्यहीअनुसार हालसम्म ८० वटा मोडलका स्मार्टफोनमा हार्मोनी ओएस उपलब्ध भइसकेको छ । जसअन्तर्गत २ करोड ५० लाखभन्दा बढी डिभाइसमा यो फिचर उपलब्ध भइसकेको छ ।

यही क्रममा बिहीवार ह्वावेले हार्मोनी ओएसको दोस्रो राउण्ड अघि बढाएको छ, जसअन्तर्गत याे ओएस सार्वजनिक रुपमा प्रयोगकर्तालाई उपलब्ध हुनेछ । ह्वावे पी५० सार्वजनिक हुनुपूर्व सबै प्रयोकगर्तालाई हार्मोनी ओएसको परीक्षण उपलब्ध गराउने उद्देश्यका साथ कम्पनीले दोस्रो चरण अघि बढाएको हाे ।

कम्पनीका अनुसार हार्मोनी ओएस ह्वावे स्मार्टफोनका साथै अनर ब्राण्डका पुराना स्मार्टफोनमा समेत उपलब्ध हुनेछ । हाल अनर ब्राण्ड छुट्टै ब्राण्डको रुपमा सञ्चालमा रहेको भएता पनि पुराना स्मार्टफोनले हार्माेनी ओएस अपडेट पाउने भएका हुन् ।

• अनर ३० सिरिज
• अनर भी३० सिरिज
• अनर–प्ले ४ प्रो
• अनर भी६ टेयावलेट
• अनर एक्स १०
• अनर ३० एस
• अनर एक्स१० म्याक्स
• अनर ३० युथ एडिसन
• अनर प्ले४

• ह्वावे पी२०
• ह्वावे मेट १०
• ह्वावे पी२० प्रो
• ह्वावे मेट १० प्रो
• ह्वावे नोभा ५आई
• ह्वावे मेट १० प्रोसिम डिजाइन
• ह्वावे नोभा ४
• ह्वावे मेट आरएस प्रोसिम डिजाइन
• ह्वावे नोभा ४ई