नागरिक पोष्ट News

मेरो गणना मेरो सहभागिता राष्ट्रिय जनगणना २०७८ भन्ने नाराका साथ यस पालिको जनगणना तालिम  शुरु भएको  जानकारी काठमाडौं ङ केन्द्रका प्रमुख श्री सत्य आचार्य ले बताएका छन् ।

काठमाडौ ङ  केन्द्रमा राष्ट्रिय जनगणनाका लागि ५० भन्दा बढी सुपरिवेक्षकको तालिम सञ्चालन भएको छ । काठमाडौंको ताहाचलस्थित ताहाचल क्याम्पसमा सुपरिवेक्षकको तालिम मिति २०७८ बैशाख १७ गतेबाट शुरु भएको हो । 

सबै किसिमका स्वास्थय मापदण्ड अपनाएर सो तालिम सञ्चालन गरेको बताउदै राष्ट्रिय जनगणना २०७८ नेपालको जनगणनाको इतिहासमा बाह्रौ र संघीय गणतान्त्रिक नेपालको पहिलो गणना हो । विवरण संकलन कार्य दुई चरणमा सञ्चालन हुने छ । पहिलो घर तथा घरपरविार सूचीकरण र दोस्रो मुख्य प्रश्नावली मार्फत रहेको छ । नेपालमा पहिलो जनगणना वि सं. १९६८ सालमा भएको थियो । यो पटक जनगणनामा पहिलो पटक काठमाण्डौंका केहि वडामा डिजिटल प्रविधिको प्रयोग मार्फत ट्याब्लेटसको प्रयोग बाट जनगनणा गरिने बताएका छन् ।

तालिममा ५०  भन्दा बढी  सुपरिवेक्षक सहभागी थिए । एउटा कोठामा १२ जना सहभागी सहित सामाजिक दुरी कायम गरेर प्रशिक्षकले तालिम दिएका थिए ।  

सहभागीलाई मास्क, फेस सिल्ड र स्यानीटाईजर पनि वितरण गरिुएको थियो ।

जिल्ला जनगणना कार्यालय काठमाडौंका जिल्ला जनगणना अधिकारीले राष्ट्रिय जनगणनाको तालिका अनुसार नै सुरक्षा मापदण्ड सहित तालिम सञ्चालन गरिएको बताएका छन् ।

र यो पनि 

पर्सामा जनगणना सुपरिवेक्षकको तालिम स्थगित

राष्ट्रिय जनगणनाका लागि सुपरिवेक्षकको तालिम भौतिक रुपमै गरेर सरकारले आफैले जारी गरेको निषेषधआज्ञा आफैं उल्लंघन गरेको छ । जिल्ला जनगणना कार्यालय पर्साले  सञ्चालन गरेको सुपरिवेक्षको तालिम स्थगित भएको छ ।   निषेधाज्ञाको समयमा भिडभाड गरेर तालिम सञ्चालन गरेको भन्दै बीरगञ्जमा तालिमको विरोध भएको छ । निषेधाज्ञाको समयमा सर्वसाधरणलाई घर-घरमै बस्न आग्रह गरेर सरकारी कार्यालयले भने भिडभाड गरेर तालिम सञ्चालन गरेको भनेर विरोध गरिएको हो । वीरगञ्जको सिद्धार्थ इन्टरनेशल कलेजमा आयोजित तालिममा सामाजिक दूरी पालना नगरी तालिम गराइएको थियो । 

यसवर्ष ‘मेरो गणना, मेरो सहभागीता’ भन्ने मुल नाराका साथ राष्ट्रिय जनगणना ०७८ हुँदैछ ।