नागरिक पोष्ट News

काठमाडौं । स्वास्थ्य तथा जनसंख्या मन्त्रालयले हरेक ४ दिनमा संक्रमण डबल भएको भन्दै नेपालका संरचनाले धान्नै नसक्ने गरी बिरामीको संख्या बढ्ने संकेत प्राप्त भएको उल्लेख गरेको छ । बुधबार स्वास्थ्य मन्त्रालयको नियमित प्रेस ब्रिफिङमा मन्त्रालयका प्रवक्ता डा= जागेश्वर गौतमले देशमा कोरोनाको त्रास बढ्दै गएको कारण अत्यन्त जरुरी नपरी घरबाहिर ननिस्कन अनुरोध समेत गरेका छन् ।

‘संक्रमणको दर अत्यधिक बढी हरेक ४ दिनमा संक्रमण डबल भइरहेको छ । ‘हाम्रा संरचनाहरुले धान्नै नसक्ने गरी बिरामीको संख्या बढ्ने संकेत प्राप्त भएको छ ।’ प्रवक्ता गौतमले भने, ‘अत्यन्त जरुरी नपरी घरबाहिर ननिस्कन, सभा, सम्मेलन, मिटिङ, जात्रा नगर्न र नागरिकको जीवन रक्षा गर्न सघाउन म विशेष अनुरोध गर्न चाहन्छु ।’