नागरिक पोष्ट News

काठमाडौ - नेपाल सरकार स्वास्थ्य मन्त्रालयले कोभिड संक्रमित हरुको संख्या बढ्न थालेपछि देशै भरी धेरै भिडभाड हुने क्षेत्र बिधालय लगाएत शैक्षिक संघ संस्था बन्द हुनसक्ने चेतावनी दिएको छ ।

स्वास्थ्य मन्त्रालयले विद्यालय जाने उमेर समूहमा कोरोना भाइरसको संक्रमण बढ्दो रहेको भन्दै उच्च सतर्कता अपनाउन आग्रह गर्दै फैलावट नरोकिएमा बन्द हुने सम्भावना देखिएको हो ।

स्वास्थ्य मन्त्रालयले एक सूचना जारी गरी काठमाडौं, पोखरालगायतका ठूला सहरहरुमा विद्यालय जाने उमेर समूहमा पनि संक्रमण बढ्दो रहेको भन्दै सतर्कता अपनाउन आग्रह गर्दै आएको छ। पछिल्लो समय प्रयोगशालाहरुको परीक्षणबाट विद्यालय जाने उमेर समूहका बालबालिकामा संक्रमण बढेको तथ्यांक उल्लेख छ ।

देशभरका अधिकांश विद्यालय फागुनयता संचालनमा छन् । तर, कतिपय विद्यालयहरुले अझै पनि अनलाइन कक्षा सञ्चालन गर्दै आएका छन् ।

कोरोना भाइरसको दोस्रो लहर आएपछि अस्पतालहरुमा विरामीको चाप बढेको छ । योसँगै सरकारले सतर्कता अपनाउन आग्रह गरेको हो ।