नागरिक पोष्ट News

काठमाडौं- वर्षा शिवाकोटीको मुख्य भूमिका रहने सस्पेन्स-थ्रीलर ड्रामा ‘ए साथी सुन’को छायांकन मंगलबारदेखि सुरु भएको छ । हेटौंडाबाट सुरु फिल्मांकन वीरगञ्जमा समेत हुनेछ ।

नेपाल प्रेससँग कुरा गर्दै वर्षाले आफू रोचक भूमिकामा यो फिल्ममा चित्रण हुने बताइन् । वर्षा बाहेक अन्य कलाकार नयाँ छन् । ‘बदलाको कथामा फिल्म आधारित हुनेछ’ उनले भनिन्, ‘दर्शकले मेरो क्यारेक्टरमा इन्जोए गर्नुहुनेछ ।’

रमेश बानियाँले वर्षाको अपोजिटमा स्क्रिन-सेयर गर्नेछन् । राघव आचार्यले निर्देशन गर्ने फिल्मलाई बीना कार्कीले निर्माण गर्ने भएकी छिन् । फिल्मलाई नयाँवर्षमा प्रदर्शन गर्ने निर्माताको तयारी छ ।