नागरिक पोष्ट News

-साधना बस्नेत

२०७७ फागुन १५, काठमाण्डौं , कीर्तिपुर नगरपालिका अन्तर्गत वडा नं ७ वडा कार्यालयले ७ नं वडाका १५० जना भन्दा बढी ७० वर्ष र सो भन्दा माथिका ज्येष्ठ नागरिकहरुलाई न्यानो कम्बल वितरण गरेको छ ।

विगतका वर्षहरुमा यस वडा कार्यालयले आफ्ना वडाका ज्येष्ठ नागरिकहरुलाई विभिन्न मठ मन्दिरहरुमा तीर्थयात्रामा लैजाने गर्दै आएकोमा यस वर्ष भने कोरोनाको महामारीका कारण भ्रमणमा लान नसकेको वडा अध्यक्ष श्री राजकुमार मालिले नागरिक पोष्टलाई जानकारी गराउनु भएको छ ।

ज्येष्ठ नागरिकको सम्मानको लागि र उहाँहरुको मनोबल अभिवृद्घि गर्ने उद्देश्यले यस्ता कार्यक्रमहरु आयोजना गर्ने गरेको अध्यक्षले बताउनु भयो । जेष्ठ नागरिकहरु हरेक समाजको लागि प्रेरणाका श्रोत भएका कारण उहाँहरुप्रति घर, परिवार, समाज र राष्ट्रको उत्तिकै महत्वपूर्ण दायित्व रहेको उहाँले बताउनु भयो । सम्मान स्वरुप न्यानो कम्बल पाएकोमा जेष्ठ नागरिकको मुहारमा खुशी छाएको देखियो ।