नागरिक पोष्ट News

काठमाडौं । चर्चित अमेरिकी टिकटक स्टार यो संसारबाट विदा भएकी छिन् । १८ वर्षीया अमेरिकी टिकटक स्टार डजारिया क्वेन्ट नोइसले सोमबार संसार छोडेकी हुन् । उनी टिकटकमा ‘डी’ नामबाट चर्चित थिइन् । मर्नुअघि उनले एक भिडियो सेयर गरेकी छन्, जसलाई उनले अन्तिम पोस्ट बताएकी थिइन् ।

भिडियोको क्याप्सनमा उनले लेखेकी थिइन्, ‘मलाई थाहा छ मैले तपाईंहरुलाई झर्को लगाइरहेकी छु, यो मेरो अन्तिम पोस्ट हो ।’ अन्तराष्ट्रिय सञ्चरमाध्यमहरुका अनुसार डजारियाका अभिभावकहरूले उनको मृत्युको पुष्टि गरेका छन् । छोरीको मृत्युले परिवार शोकमा छ । गोफन्डमी नामको पेजमा डजारियाको पिता रहिम अलाले ८ फ्रेबुअरीमा छोरीले मलाई छोडेर गइन् भन्दै पोस्ट गरेका थिए ।

डजारिया सामाजिक सञ्जालमा एकदमै चर्चित थिइन् । टिकटकमा उनलाई लाखौंले फलो गर्दै आएका थिए । उनी इन्स्टाग्राम र युट्युबम पनि सक्रिय थिइन् । उनले यो सबै किन गरिन् भन्ने कुराको खुलासा अहिलेसम्म भएको छैन ।