नागरिक पोष्ट News

आमाको निधन भएको ३ दिनमै बुवाको पनि मृत्यु, छोरीले एड्सवाट गुमाइन् ज्यान, छोरा पनि ओच्छ्यानमा

3.2K

राजविराज, । सप्तरीको राजविराजमा एउटा निकै दुखद घटना भएको छ । आमा वितेको तीन दिन हुन नपाउँदै एक किशोरीको पनि मृत्यु भएको छ । आइतबार साँझ एचआइभी एड्सबाट एक किशोरीको मृत्यु भएको हो । राजविराज नगरपालिका–१ चनौरा निवासी १६ वर्षीया अमैया धामीको स्थानीय गजेन्द्र नारायण सिंह अस्पतालमा उपचारका क्रममा मृत्यु भएको अस्पतालका मेडिकल सुपरिटेन्डेन्ट डा रञ्जित झाले जानकारी दिए ।

एचआइभी एड्सको लक्षण देखिएका किशोरीलाई स्वास्थ्य अवस्था गम्भीर बन्दै गएपछि दुई साताअघि गजेन्द्र नारायण सिंह अस्पतालमा भर्ना गरिएको थियो । नौ वर्षअघि एचआइभी एड्सबाट बाबुआमा गुमाएकी छोरीको समेत सोही कारणले मृत्यु भएको अस्पतालका मेडिकल सुपरिटेन्डेन्ट डा झाले बताए ।

उनका अनुसार विसं २०६८ वैशाख १ गते एचआइभी एड्सबाट आमाको मृत्यु भएको तीन दिनपछि बुबाको समेत सोही कारणले मृत्यु भएको थियो । मृतक अमैयाका १२ वर्षीय भाइसमेत एचआइभी एड्सबाट पीडित भएको र नियमित औषधि खाने गरेको पारिवारिक स्रोतले जनाएको छ ।