नागरिक पोष्ट News

पुस १६, काठमाण्डौ । काठमाडौंको गुर्जुधारामा टिपरको ठक्करबाट दुई जना पैदलयात्रीको मृत्यु भएको छ । चन्द्रागिरि नगरपालिका-५ गुर्जुधारा, आयल स्टोर अगाडि टिपरले ठक्कर दिँदा दुई जनाको मृत्यु भएको महानगरीय प्रहरी वृत्त, थानकोटका डिएसपी घनश्याम श्रेष्ठले बताए । मृत्यु हुनेमा धादिङ गल्छी घर भई थापाथली बस्ने २७ वर्षीय अभय लामा र चितवन घर भई गुर्जुधारा बस्ने २५ वर्षीय सुवास गमाल छन् ।उनीहरूलाई नागढुङ्गाबाट बालुवा बोकेर कलंकीतर्फ आउँदै गरेको बा ४ ख २५७७ नम्बरको टिपरले बुधबार राति साढे ९ बजे ठक्कर दिएको हो । प्रहरीले धाडिङ घर हुने अन्दाजी ३७ वर्षीय टिपर चालक रामचन्द्र थापालाई नियन्त्रणमा लिएको छ । मृतकहरूको शव पोष्टमार्टमका लागि टिचिङ अस्पताल पठाइएको छ। प्रहरीले पक्राउ परेका चालकमाथि थप अनुसन्धान अघि बढाएको छ ।