नागरिक पोष्ट News

काठमाडौं । दक्षिण भारतका सुपरस्टार रजनीकान्त शुक्रबार बिहान हैदराबादको अपोलो अस्पतालमा भर्ना भएका छन् । रिपोर्टका अनुसार ७० वर्षीय रजनीकान्तको रक्तचाप अस्थिर रहेको जानकारी दिइएको छ । उनको रक्तचाप सामान्य नभएसम्म उनलाई डाक्टरको रेखदेखमा राखिने अस्पतालले जानकारी दिएको छ ।

अस्पतालले भनेको छ, ‘रजनीकान्तले रक्तचापमा तीव्र उतारचढाव देखाएपछि आज बिहान अस्पतालमा भर्ना भए । उनको अनुसन्धान हुनेछ र राम्ररी निगरानी गरिनेछ जब सम्म उनको रक्तचाप सामान्य हुँदैन । उनीसँग अन्य कुनै लक्षणहरू छैन र हेमोडाइनमिकली स्थिर छ ।