नागरिक पोष्ट News

काठमाडौं । नेपालमा गत २४ घण्टामा शुक्रबार थप ६०८ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयले यसको पुष्टि गरेको हो । संक्रमण पुष्टि हुनेमा २३७ महिला र ३७१ जना पुरुष छन् ।

यो सँगै नेपालमा कुल कोरोना संक्रमितहरुको संख्या २ लाख ५७ हजार २०० पुगेको छ । अर्कोतिर २४ घण्टामा ८९२ जना कोरोनामुक्त भएर डिस्चार्ज भएका छन् । योसँगै निको हुनेको २ लाख ४८ हजार २९२ संख्या पुगेको छ । देशभरी सक्रिय संक्रमितको संख्या हालसम्म ७ हजार ९२ छ ।

कोरोना संक्रमणबाट २४ घण्टामा थप ९ को मृत्यु भएको छ । हालसम्म कोरोना संक्रमणबाट मृत्यु हुनेको संख्या १ हजार ८१६ जना पुगेको छ । मन्त्रालयका अनुसार हालसम्म पीसीआर विधिबाट १९ लाख ३९२ परीक्षणहरु गरिएका छन् ।