नागरिक पोष्ट News

काठमाडौं । नेपालमा थप ७ सय ४२ जनामा कोरोना संक्रमण पुष्टि भएको छ । योसँगै हालसम्म देशभर कोरोना संक्रमितको संख्या २ लाख ५४ हजार ५ सय १४ पुगेको छ।आज १ हजार ७९ जना कोरोना संक्रमित डिस्चार्ज भएको स्वास्थ्य तथा जनसंख्या मन्त्रालयले जनाएको छ । हाल देशभर ७ हजार ९ सय ७६ जना सक्रिय संक्रमित रहेका छन् भने ४ सय २१ जना क्वारेन्टिनमा रहेका छन्।

आज थप ७ जना कोरोना संक्रमितको मृत्यु भएको छ। योसँगै कोरोना संक्रमणको कारण मृत्यु हुनेको संख्या १ हजार ७ सय ९५ पुगेको छ ।